മോഹന്ലാല് ഭൂമിയിലേക്ക് ഇറങ്ങിയിരിക്കുന്നു !!
Run Baby Run കണ്ടു തിയേറ്റര് വിട്ടപ്പൊ തോന്നിയ ആദ്യ വികാരം ഇതായിരുന്നു.പതിനഞ്ചോ മുപ്പതോ പേരെ ഒറ്റ അടിക്കു തെറിപ്പിക്കുന്ന, നെടു നീളന് പഞ്ച് ഡയലോഗുകള് പറയുന്ന, സൂപ്പര്സ്റ്റാര് മോഹന്ലാലിനെ ജോഷി സര് എവിടെയോ ഒളിച്ചിരുത്തിയിരിക്കുന്നു (ആ ഒളി സങ്കേതം ആന്റണി പെരുമ്പാവൂര് കണ്ടു പിടിക്കാതെ ഇരിക്കട്ടെ എന്ന് നമുക്ക് മെഴുകുതിരി കത്തിച്ചു മുട്ടിപ്പായി പ്രാര്ത്ഥിക്കാം).
മഹത്തരം എന്ന് പറയാന് പറ്റിലെങ്കിലും നല്ല ഒരു Entertainer എന്ന് കണ്ണും പൂട്ടി പറയാവുന്ന ചിത്രമാണ് RBR.കാസനോവ എന്ന തട്ടിക്കൂട്ടില് നിന്ന് മോഹന്ലാല് എന്തൊക്കെയോ പഠിച്ചിരിക്കുന്നു.കാസനോവയെ അത്ര മാത്രം മോശമാക്കിയത്തിനു റോഷനും confident ഗ്രൂപ്പിനും, ആന്റണി അവറുകള്ക്കും സ്തുതിയോടു സ്തുതി. സച്ചി എഴുതിയ തിരക്കഥയില് ഏച്ചു കെട്ടിയ സീനുകളും ഹീറോയിസം വഴിഞ്ഞു ഒഴുകുന്ന സംഭാഷണങ്ങളും താരതമ്യേന കുറവാണു എന്നുള്ളത് തന്നെയാണ് ആദ്യ ആശ്വാസം.അച്ഛന്റെ പ്രായം ഉള്ള ലാലിന്റെ കൂടെ അമല പോള് വന്നാല് ഉണ്ടാകാവുന്ന കേട്ടിപിടിക്കലും പ്രണയ രംഗങ്ങളും കാണേണ്ടി വരുമല്ലോ എന്നോര്ത്ത് സകല ദൈവങ്ങളെയും വിളിച്ചാണ് തിയേറ്ററില് കേറിയത്... പക്ഷെ മേല് പറഞ്ഞ കണക്കുള്ള രംഗങ്ങള് ഒരു പാട്ട് സീനില് ഒതുക്കി ജോഷി സര്( വീണ്ടും കരുത്തു തെളിയിച്ചു.(മോഹന്ലാല് ഫാന്സിനു ഈ ഗാനരംഗം കാണാം, അല്ലെങ്കില് കാണാതെ ഇരിക്കാം...പക്ഷെ ഫാന്സ് അല്ലാത്ത ജീവികള് ഈ ഗാന രംഗത്തിന്റെ സമയം സിഗരട്ട് വലിക്കാനോ കടല കൊറിക്കാനോ മറ്റോ ഉപയോഗിക്കാം ).പഴത്തൊലി തമാശകളും, ഡബിള് മീനിംഗ് തമാശകളും കൊണ്ട് ഹിറ്റുകള് സൃഷ്ടിക്കുന്ന മല്ലു സിങ്ങന്മാരും, മായാമോഹിനികളും കണ്ടു പഠിക്കണം ജോഷി എന്ന കച്ചവട സിനിമയുടെ മര്മ്മം അറിയാവുന്ന സംവിധായകനെ (ജോണി ചേട്ടനും വേണെങ്കില് പഠിക്കാം).
കല്ലുകടികള് ആയി പറയാന് പറ്റുന്ന പ്രധാന കാര്യം രതീഷ് വേഗയുടെ പശ്ചാത്തല സംഗീതമാണ്.എന്തൊക്കെയോ കാട്ടി കൂട്ടാന് അദ്ദേഹം ശ്രമിക്കുന്നുണ്ടെങ്കിലും പലപ്പോഴും ഒരു ശബ്ദ കോലാഹലം മാത്രമായി മാറുന്നുണ്ട് BGM. സായികുമാറിന്റെയും സിദ്ധിക്കിന്റെയും വില്ലന് വേഷങ്ങള് ക്ലീഷേ ആയി പോയി എന്നതാണ് മറ്റൊരു പ്രധാന പോരായ്മ.
ഫാന്സിനു വേണ്ടി മാത്രം പടച്ചു വിട്ട ഒരു ജഗപൊക അല്ല RBR.മോഹന്ലാല് എന്ന നടന് ഭൂമിയില് നിന്ന് അഭിനയിച്ച ഒരു നല്ല Entertainer.
No comments:
Post a Comment